പുഴയും കടലും

ഇടയ്ക്കൊക്കെ അകന്നു നില്ക്കാനുള്ള 
ഇഷ്ടം കൊണ്ടാണത്രേ പുഴയും കടലും 
വെവ്വേറെ ആയതും ഇടയ്ക്ക് 
സംഗമസ്ഥാനങ്ങൾ കണ്ടെത്തിയതും

കാറ്റും മഴയും എപ്പോഴും 
ഒന്നിച്ചാവാതിരിയ്ക്കാൻ ആണത്രേ 
ഇടയ്ക്കൊക്കെ കാറ്റ് ഒറ്റയ്ക്ക് 

വീശുന്നതും മഴ തനിച്ചു മൂളുന്നതും

ഒറ്റയ്ക്കാവാനുള്ള ഭയം കൊണ്ടാണത്രേ 
മനുഷ്യൻ മാത്രം എപ്പോഴും ഇങ്ങനെ 
തപിച്ചു തപിച്ചു നിലവിളിച്ചിങ്ങനെ

ഷീജാ അനില്‍