ഈ നിലാവിനൊപ്പം നിനക്കായ് ഒരു നന്ദിക്കുറിപ്പ്

അകലെയകലെ ഒരു ദ്വീപിൽ നിന്നുംഅതിജീവനത്തിൻറെ പിടച്ചിലുകൾക്കിടയിലും ഇരവെന്നോ പകലെന്നോ ഭേദം ഇല്ലാതെ നീയൂതി പറത്തി വിടുന്ന ചില സ്നേഹ മന്ത്രണങ്ങളുണ്ട്...കുളിരു പാകുമൊരോർമ്മപ്പൂവായി എന്നെ ചുംബിച്ചുണർത്തുന്നവ..അതിലുറവയായ് നിറയുന്ന ഊർജ്ജ ശ്രോതസ്സുണ്ട്..പാദങ്ങൾ ഇടറാതെ ജീവിതത്തെ ഭദ്രമായ് കയ്യിലൊതുക്കി നൂറ് വർണ്ണങ്ങളാൽ ചമയിച്ചൊരുക്കി നോവുകളുടെ ചാമ്പലിൽ നിന്നും ഒരു ഫീനിക്സ് പക്ഷിയെ പോലെ ഉയിർത്തെണീറ്റ് ഉയർന്ന് പറന്ന് നൂലിഴ പൊട്ടാത്തൊരു പട്ടമായി ഉയരത്തിൽ പറത്താൻ എന്നെ പ്രേരിപ്പിയ്ക്കുന്നത്..നൂറു നന്ദി ....ഷീജാ അനില്‍